Кошаркарите на Партизан имаат за што да жалат откако не успеаја да врзат две евролигашки победи, губејќи вечерва на гостувањето против Асвел со резулат 82-75. Катастрофалниот финиш беше причина за овој неуспех на српскиот состав, кој не погоди ниту еден шут од поле во последните четири минути.
„Црно-белите“ ја имаа сопствената судбина во свои раце, на 4:22 минути до крајот водеа со 65-73, но потоа речиси четири минути не постигнаа ниту еден единствен поен. Асвел во овој период направи серија од 15-0, го сврте резултатот во своја полза и стигна до својата трета евролигашка победа сезонава.
Краудер постигна клучни пет поени кога се кршеше резултатот во последните 80 секунди, најефикасни кај Асвел беа Милс и Вотерс со по 14 поени, додека прв стрелец на Партизан беше Хејс со 15, пред Стивенс со 13 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
