Играчот за врска на Манчестер Јунајтед, Пол Погба, проговори за својот сонародник Н’Гол Канте за кој кажа дека знае често да лаже. Погба и Канте играат заедно за репрезентацијата на Франција и се многу добри пријатели иако се жестоки ривали кога ќе се сретнат на „Олд Трафорд“ или „Стемфорд Бриџ“ во различни дресови.
Канте е познат по својата скромност, па сите го обожаваат за тоа, а Погба кој особено го познава својот колега, кажа дека тивкиот и повлечен Французин „изневерува и лаже многу“ надвор од теренот.
“Премногу лаже. На карти, во игри на табла. Искрено, тој многу изневерува. Тој е лукав и паметен човек. Но, не можете да го мразите, тој е токму таков. Тој е најсаканиот фудбалер во историјата на фудбалот. Мора да го сакате, не можете да го мразите, тоа не е можно”, ја пофали Погба ѕвездата на Челси.
Погба се уште се соочува со неизвесна иднина по оваа сезона бидејќи неговиот договор со „Олд Трафорд“ истекува, додека Канте дефинитивно ќе го гледаме и следната сезона во Челси. Двајцата беа светски шампиони со Франција во 2018 година, а Канте во моментов се подготвува за еден од најважните натпревари во својата кариера – финалето од Лигата на шампионите против Манчестер Сити.
Натпреварот се игра на 27 мај, само две недели пред почетокот на Европското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА