Голманот на ПСЖ Серхио Рико, беше трансферна мета на Рајо Валјекано за замена за Столе Димитриевски кој се поврзуваше со трансфер, најпрво во Барселона, а потоа и во Саудиска Арабија. Меѓутоа сега ПСЖ објави дека голманот заминува во Мајорка, како позајмен до крајот на сезоната.
28-годишниот Рико ќе игра до 30 јуни 2022 година, а потоа треба да се врати повторно во клубот од Париз. Оваа сезона Рико е трета опција после Кејлор Навас и Џанлуиџи Донарума.
Тој забележа само еден настап сезонава, кога Навас беше исклучен.
Ова би можело да значи дека Рајо повеќе не бара нов голман, и дека смета на Димитриевски и за пролетниот дел од сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
