Македонија како првопласирана група од групата Ц ќе пренесе три бода во следната рунда која ќе се игра во Вараждин, а таму ќе ги одмери силите со стари ривали. Чешка со триумфот над Унгарија (33-27) се избори за пласман понатама, а вечерва во дерби пресметка Данска и Шпанија ќе решаваат кој ќе биде првопласиран во нивната група. Со ваков развој на настаните, македонските ракометари се во реална игра и за пласман во полуфиналето на Европското првенство во Хрватска.
Со Чешка игравме квалификациски дуели, со Шпанија одмеривме сили лани на СП во Франција, а со Данска, кога тие беа домаќини на ЕП.
Подоцна ќе биде познат и комплетниот распоред на следните натпревари на Македонија во следната рунда во Вараждин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
