Фудбалерите на Брегалница реализираа уште еден пријателски тест пред стартот на новата сезона во Втората лига – Исток, триумфирајќи со 2-0 (1-0) против Осогово.
Штипјани до водство дојдоа со голот на Мартин Стојанов од пенал во 42. минута, а во 78. минута погоди и младиот Љупче Кудев за конечни 2-0.
На 22. август, во 1. коло од новата сезона, Брегалница гостува на Саса во Македонска Каменица.
Христов донесе победа за Тиквеш против Саса
Тиквеш триумфираше против Саса со 1-0 во последниот пријателски натпревар пред новата сезона. Победата за кавадарчани ја донесе Симеон Христов со голот во 50. минута.
Тиквеш во 1. коло од новата сезона гостува на Плачковица во Радовиш.
Реми на Кожуф и Кит Го во Гевгелија
Екипите на Кожуф и Кит Го одиграа натпревар без победник (1-1) во Гевгелија.
Кит Го до водство од 0-1 дојде со евро-голот на Дарко Алексовски уште во 10. минута од средбата, додека Кожуф израмни со погодокот од пенал во 45. минута.
Охрид подобар од Кораб
Охрид славеше со 2-0 (1-0) на пријателскиот натпревар против Кораб.
Охриѓани до победата дојдоа со погодоците на Шериф Реџепи и Наум Вељаноски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
