ПРВА ЛИГА ВО ЖИВО: Драма во Прилеп – сомнителен пенал, победа на Победа!

РЕЗУЛТАТИ ВО ЖИВО… ПРВА ЛИГА, 29.КОЛО

Скопје: МАКЕДОНИЈА ЃП – РЕНОВА (1-3)

Јонузи 93′ – Муслиу 2′, 5′, Велинов 13′

Тетово: ШКЕНДИЈА – ВАРДАР (3-1)

Меџедовиќ 15′, Ибраими 63′, 82′ – Балотели 42′

Штип: БРЕГАЛНИЦА – ПЕЛИСТЕР (1-1)

Мециновиќ 28′(аг) – Лукас 51′

Прилеп: ПОБЕДА – СИЛЕКС (1-0)

Наумоски 91′

УТРЕ

Скопје: РАБОТНИЧКИ – ШКУПИ

ТАБЕЛА: Вардар 68 бода, Шкендија 58, Работнички 47, Пелистер 41, Ренова 41, Силекс 36, Шкупи 29, Победа 26, Брегалница 20, Македонија ЃП 19 бода.

===================================================================

КРАЈ И НА НАТПРЕВАРОТ ВО ШТИП. РЕМИ МЕЃУ БРЕГАЛНИЦА И ПЕЛИСТЕР

КРАЈ НА НАТПРЕВАРОТ И ВО ПРИЛЕП… Немили сцени, со вербални препукувања меѓу играчите на двата тима на крајот!

КРАЈ НА НАТПРЕВАРОТ ВО ТЕТОВО…

ПОБЕДА – СИЛЕКС (1-0)

1-0 – 91′ – ГОООООЛ ЗА ПОБЕДА. Вистинска драма во Прилеп. По сомнително досуден пенал по игра со рака на Гуцев, Победа преку Наумовски со гол од пенал доаѓа до водство. Мечкаровски досуди пенал по сугестија на помошникот Гоце Петрески, фудбалерите на Силекс жестоко протестираа, но судиската беше последна. Црвен картон доби и Благоја Гешоски непосредно пред да го изведе пеналот….

ШКЕНДИЈА – ВАРДАР (3-1)

3-1 – 82′ – ГОООООЛ ЗА ШКЕНДИЈА. Бесарт Ибраими со уште еден шут од повеќе од 20 метри го изненадува Гачевски, кој киксира, и Шкендија доаѓа до убедливо водство

БРЕГАЛНИЦА – ПЕЛИСТЕР (1-1)

74’ – Одлична шанса за Славчо Велковски, кој шутира од 14 метри, но за малку непрецизно

БРЕГАЛНИЦА – ПЕЛИСТЕР (1-1)

72’ – Марко Вучетиќ упати удар од 25 метри, за малку крај голот на Пелистер.

ШКЕНДИЈА – ВАРДАР (2-1)

77′ – По корнерот на Фелипе, Горан Попов највисок во скокот со глава но за малку над гредата од голот на домашните

БРЕГАЛНИЦА – ПЕЛИСТЕР (1-1)

66’ – Лукас Кардосо излезе сам пред Кобетиќ, но шутираше непрецизно од десетина метри, пропуштајќи одлична можност да го доведе Пелистер во водство.

ШКЕНДИЈА – ВАРДАР (2-1)

72′ – Добар шут на Фелипе од слободен удар од околу 22 метри, но над голот на Шкендија

ШКЕНДИЈА – ВАРДАР (2-1)

69′ – Убава можност за Балотели, кој доби топка на десеттина метри пред голот на домашните но шутира за малку непрецизно

ШКЕНДИЈА – ВАРДАР (2-1)

2-1 – 63′ – ГООООЛ ЗА ШКЕНДИЈА. Ефектен шут на Бесарт Ибраими од 18 метри и Гачевски е немоќен

БРЕГАЛНИЦА – ПЕЛИСТЕР (1-1)

1-1 – 51′ – ГОООООЛ ЗА ПЕЛИСТЕР. Гостите израмнуваат на дуелот во Штип со голот на Лукас Кардосо

БРЕГАЛНИЦА – ПЕЛИСТЕР (1-0)

48’ – Фернандо Силва се обиде од слободен удар од 17 метри, но само во живиот ѕид на Брегалница.

ШКЕНДИЈА – ВАРДАР (1-1)

55′ – 100% шанса за Шкендија. Бесарт Ибраими во соло продор, минува покрај одбраната на Вардар, избива сам очи во очи со голманот Гачевски кој го спречува неговиот обид од 7-8 метри

ПОЧЕТОК НА ВТОРИОТ ДЕЛ ОД ДЕНЕШНИТЕ НАТПРЕВАРИ ОД 29. КОЛО ВО ПМФЛ

КРАЈ НА ПРВОТО ПОЛУВРЕМЕ НА СИТЕ ЧЕТИРИ НАТПРЕВАРИ ОД 29. КОЛО ВО ПМФЛ

ШКЕНДИЈА – ВАРДАР (1-1)

1-1 – 42′ – ГОООООЛ ЗА ВАРДАР. Прекрасна акција на Вардар од својата половина, која ја завршува Балотели со одличен удар од 12 метри ниско по земја

БРЕГАЛНИЦА – ПЕЛИСТЕР (1-0)

1-0 – 28′ – ГООООЛ ЗА БРЕГАЛНИЦА. По нафрлувањето од левата страна, Мециновиќ постави нога и ја погоди сопствената мрежа.

БРЕГАЛНИЦА – ПЕЛИСТЕР (0-0)

19’ – Одлична акција на Пелистер, беше проигран Баже Илијоски кој шутираше од пеналтикот, но одбраната на Брегалница го блокираше неговиот удар.

МАКЕДОНИЈА ЃП – РЕНОВА (0-3)

0-3 – 13′ – ГООООЛ ЗА РЕНОВА. Со голот на Стојанче Велинов, „гипсарите“ доаѓаат до водство и од 0-3

ШКЕНДИЈА – ВАРДАР (1-0)

1-0 – 15′ – ГОООООЛ ЗА ШКЕНДИЈА. Брз контранапад на домашните, Радески убави го проигра Меџедовиќ по десната страна кој од десеттина метри ниско по земја стрела во мрежата на Гачевски

БРЕГАЛНИЦА – ПЕЛИСТЕР (0-0)

7’ – Корнер за Пелистер од десната страна, го изведе Фернандо, но Кобетиќ боксува и ја расчистува опасноста

МАКЕДОНИЈА ЃП – РЕНОВА (0-2)

0-2 – 5′ – ГООООЛ ЗА РЕНОВА. По нафрлањето на Велинов од десната страна, Муслиу повторно осамен пред голот на домашните и од непосредна близина носи водство и од 0-2

МАКЕДОНИЈА ЃП – РЕНОВА (0-1)

0-1 – 2′ – ГОООООЛ ЗА РЕНОВА. Со погодокот на Висар Муслиу, Ренова уште во 2. минута доаѓа до водство на гостувањето во Ѓорче Петров

ПОБЕДА – СИЛЕКС (0-0)

4′ – Жесток старт во Прилеп. Очигледно судијата Димитар Мечкаровски ќе има многу работа на дуелот, ако се суди по стартот. Бројни вербални конфликти на дуелот, постојано прекини и првите два жолти картони

* ПОЧЕТОК НА СИТЕ ЧЕТИРИ НАТПРЕВАРИ ОД 29. КОЛО ВО ПМФЛ

* Шкендија на дербито во Тетово ќе настапи во следниот состав: Захов, Челиковиќ, Чолак, Цуцули, Тодоровски, Тотре, Вујчиќ, Медједовиќ, Радески, Жуниор и Ибраими

* Познат составот на Вардар со кој Гоце Седлоски ќе се спротистави на Шкендија на денешниот дуел во Тетово: Гачевски, Брдаровски, Новак, Велковски, Демири, Глигоров, Спировски, Фелипе, Џигаури, Балотели и Барсегјан. Во првиот тим од стандардните првотимци недостасуваат Попов, Блажевски и Николов кои се на клупата, како и суспендираниот Грнчаров.

* Дербито во Тетово ќе се игра пред празни трибини поради казната која ја доби Шкендија од Дисциплинската комисија на ФФМ за шест натпревари без публика на домашен терен

===================================================================

Стартуваат натпреварите од 29. коло во Првата фудбалска лига на Македонија. Сите најнови случувања, шанси и голови од денешните средби ќе можете да ги следите во живо на ЕКИПА.МК.