Францускиот првак Пари Сен Жермен е сериозно заинтересиран за ангажман на дефанзивецот на Баерн Минхен, Џером Боатенг. Тренерот на „светците“, Томас Тухел, е голем фан на играта на Боатенг, а тој доби дозвола за трансфер од баварскиот гигант, но за сума од 80 милиони евра. Сепак, ПСЖ нуди „само“ 50 милиони евра за 29-годишниот германски репрезентативец.
Боатенг веќе ја договорил платата со ПСЖ, каде би заработувал 8 милиони евра по сезона.
Тухел во моментов има тројца квалитетни дефанзивци, Тијаго Силва, Маркињос и Кимпембе, а Боатенг би ја комплетирал одбранбената „четворка“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
