Францускиот фудбалер Адриен Рабио е на чекор до потпис со англискиот премиерлигаш Манчестер Јунајтед. Тој на 1 јули и официјално ќе биде слободен агент по измачувачката година со ПСЖ и ќе може да го одбере новиот клуб. Во опција беа многу европски гиганти кои сакаат да го добијат одличниот играч за врска без отштета, а најсериозни се преговорите со Манчестер Јунајтед.
Менаџерот Оле Гунар Солскјер инсистира да го освежи средниот ред со Рабио, а раководството веќе го договорило личните услови со фудбалерот. Тој треба да биде замена за Андер Ерера, кој пак оди во спротивен правец и потпишува за Пари Сен Жермен.
Претходно сериозен интерес за Рабио покажуваа Барселона и Тотенхем, но двата клуба во меѓувреме ги прекинаа преговорите, оставајќи го Манчестеер Јунајтед како фаворит во оваа трка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
