Во манир на голем клуб, раководството на Работник настојува што поскоро да го комплетира ростерот за наредната сезона, давајќи му време на тренерот Алушовски да ги воигра новите ракометари во екипата. А целта на битолчани е јасна – да се соберат што повеќе репрезентативци на едно место, па така денеска беше потпишан договор и со Бојан Маџовски.
Левото крило доаѓа од таборот на Металург и се најде на списокот на новиот селектор Данило Брестовац за првиот натпревар против Исланд. Во ситуација кога „фармацевтите“ го имаат и искусниот Ојлески, јасно е дека оваа позиција ќе биде добро покриена од двајца домашни ракометари.
Маџовски е второто засилување за Работник по завршувањето на сезонава, откако во текот на вчерашниот ден беше официјализиран и трансферот на голманот Никола Митревски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
