Наспроти информациите кои беа пласирани во јавноста дека ракометарот на РК Бутел, Денис Тот синоќа бил претепан во скопскиот клуб „Привилиџ“, сепак тој на скопската Клиника за реанимација, анестезија и интензивно лекување бил донесен без видливи знаци на насилство, но во критична состојба и без срцева акција, информираат од МВР
„Министерството за внатрешни работи ја информираше јавноста дека вчера (07.04.2022) во 04:11 часот од Клинички центар во СВР Скопје е пријавено дека кај нив во бесознание, без видливи траги на насилство е донесен Д.Т. и веднаш му е пружена лекарска помош. СВР Скопје презема мерки за расчистување на случајот и за тоа соодветно ќе ја известиме јавноста“ – се вели во информацијата од МВР.
И директорката на КАРИЛ, доктор Маја Мојсова, во изјава за Фокус потврдува дека 27-годишниот хрватски ракометар бил донесен без видливи траги на насилство, но во тешка ситуација и се бори за живот.
„Ракометарот е во критична состојба. Слободно, можам да кажам дека се бориме за неговиот живот. Но, тоа што е чудно е дека тој нема видливи знаци на насилство. На нашата клиника беше донесен без срцева акција. Правиме се што можеме во моментот за да му го спасиме животот“ – вели доктор Мојсова во изјава за „Фокус“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
