Интер по многу тешка борба и со многу среќа се пласираше во четвртфиналето на Копа Италија, откако во осминафиналната фаза по продолженија славеше над Емполи со 3-2. Гостите мора да жалат за пропуштената шанса бидејќи до 91. минута имаа водство од 1-2.
Домаќините поведоа со голот на Алексис Санчез во 13. минута. На 1-1 израми Бајрами во 61. минута, додека Емполи со автоголот на Раду во 76. минута стигна до водство од 1-2. Сепак, Ранокиа беше спасител на „нероаѕурите“ и со голо во 91. минута успеа да го однесе мечот во продолженија.
Таму, Сенси стрелаше во 104. минута и го однесе Интер меѓу осумте најдобри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
