Со комплетирањето на осминафиналните натпревари веќе е познат и официјалниот распоред на четвртфиналните пресметки.
По големите возбудувања ќе следи целосен одмор во наредните два дена, по што четвртфиналните натпревари ќе се играат в петок и сабота, со по два на програмата, со почеток во 16 и во 20 часот.
Шоуто ќе стартува со пресметката меѓу Франција и Уругвај, селекциите кои предвреме ги „спакуваа“ Лео Меси и Кристијано Роналдо, па сега во меѓусебен дуел ќе решаваат за патникот во полуфиналето. Веднаш потоа, в петок во 20 часот ќе следи и дуелот Бразил – Белгија, пресметка на две исклучителни офанзивни селекции.
Домаќинот Русија по сензационалната елиминација на Шпанија ќе излезе на мегдан со Хрватска в сабота во 20 часот,откако претходноа Англија ќе игра против Шведска, во 16 часот в сабота.
Дефинитивно, пред нас се уште поголеми возбудувања како што се ближи финалната битка за тронот на светскиот фудбал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА