Еден Азар ги брои последните денови на „Сантијаго Бернабеу“. Флорентино Перез, ќе направи се да за до продаде Белгиецот да крајот на актуелниот преоден рок. Две и пол години мачење. Така најдобро може да се опише престојот на Азар во шпанската престолнина. Донесен како големо засилување, во 2019 година, Азар не покажа ништо во дресот на Реал.
Флорентино Перез, вложи 100.000.000 евра, за фудбалер кој во тој момент влезе во последната година од договорот со Челси.
Реал очекуваа дека тој ќе биде новиот лидер, по заминувањето на Роналдо во Јувентус, но Белгиецот повеќе време мина во клупската амбуланта отколку на теренот. За Реал има одиграно само 43 натпревари, на кои постигнал четири гола.
Според шпанските медиуми, Перез го загубил трпението, откако лекарскиот тим на Реал предложил, Азар, да замине на нова операција. Проблем е само што во овој момент никој не е заинтересиран за фудбалерот, кој блескаше во дресот на Челси, во Премиер лигата. Еден Азар има договор со Реал до јуни 2024 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
