Реми на селекторското деби на Чави и Клоп, скандинавската пресметка ја добија Халанд и Норвешка (Видео)

  • Екипа
  • 24.09.2026 / 22:45
  • СПОДЕЛИ:
фото: X/OnsOranje

На стартот од новото издание во Лигата на нации, Холандија и Германија одиграа без победник 1:1 во меч кој го одбележа неспортскиот потег на „панцирите“.

Мечот кој претставуваше деби за двајцата селектори, Чави Ернандес кај Холандија и Јирген Клоп кај Германија, помина во знакот на моментот, односно акцијата, која претходеше на единствениот гол.

 

 

Имено, додека Броби се жалеше на повреда и лежеше на теренот, холандските репрезентативци бараа од Германците да ја исфрлат топката надвор од теренот. Но, Германците заборавија на ферплејот, ја продолжија акцијата по која Нмеча во 32-та минута го отвори резултатот.

Овој потег го налути Дензел Дамфрис кој сакаше да се пресмета со Нмеча, но во последен момент беше спречен поголем инцидент.

 

 

Холанѓаните во судиското продолжение со голот на Коди Гакпо се спасија од пораз.

 

Најефикасниот натпревар се одигра во Осло каде во скандинавската пресметка, Норвешка со 3:2 ја совлада Данска.

 

Norway [1] – 0 Denmark – Oscar Bobb 14′
by
u/OptimusCloyster in
soccer

Норвежаните фуриозно го започнаа натпреварот и по 18 минути имаа водство од 2:0 благодарение на головите на Оскар Боб и Ерлинг Халанд.

 

Norway [2] – 0 Denmark – Erling Haaland 18′
by
u/OptimusCloyster in
soccer

 

До крајот на првиот дел, Данска намали преку Дамсгард, а во 60-та минута со голот на Хојлунд дојде и до израмнување.

Сепак, Ерлинг Халанд со својот втор гол и донесе триумф на Норвешка.

 

Norway [3] – 2 Denmark – Erling Haaland 74′
by
u/OptimusCloyster in
soccer

 

Португалија со голот на Жоао Феликс со 1:0 го совлада Велс, а Грција со пресврт славеше со 2:1  во Белград против Србија.

 

Во Б дивизијата, Косово со 1:0 ја совлада Република Ирска, додека Австрија и Израел одиграа 1:1

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...