Поранешниот фудбалер на Арсенал, Робин ван Перси, смета дека актуелниот лидер во Премиер-лигата конечно може да ја освои титулата по долго време.
Арсенал моментално е на првото место во Премиер-лигата со осум бодови и натпревар повеќе од Манчестер Сити.
„Ова е период кога секој бод е многу важен. Ги чекаат неколку тешки натпревари. Шампионите се покажуваат во такви ситуации. Последната серија е секогаш најтешка, но мислам дека можат да ја освојат титулата по долго време. Ќе бидам среќен ако се случи тоа“, изјави Ван Перси.
Холанѓанецот помина осум години во Арсенал и за тоа време одигра 192 натпревари на кои постигна 96 голови, додека неговиот единствен трофеј во Лондон беше ФА Купот. Премиер-лигата ја освои кога се пресели во Манчестер јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
