Поранешниот фудбалер на Манчестер сити, Родри изјави дека се уште има доверба во својот клуб, откако беше објавено дека независна комисија утврдила прекршувања на повеќето финансиски правила за кои клубот беше обвинет.
Британските медиуми објавија дека комисијата донела одлука во случајот што со години го следи Сити, иако санкциите се уште не се утврдени.
Од клубот соопштија дека процесот се уште трае и дека претстои завршување на „значајни елементи“ од постапката, а се очекува и поднесување жалба.
Родри, кој одигра 196 натпревари за Сити во периодот од 2019 до 2026 година, вели дека челниците на клубот постојано им кажувале на играчите оти не направиле ништо погрешно.
„Секогаш ни кажуваа колку се убедени во својата невиност. Кога некој ќе ве погледне во очи и ќе ви го каже тоа, му верувате. Имаме и пример од 2020 година, кога процесот беше сличен, но на крајот се заврши поинаку“, изјави Родри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
