Бразилската легенда, Роналдо Назарио важи за еден од најдобрите во својата генерација, но денес фудбалерите заработуваат огромни суми, нешто што не беше случај во минатото. Роналдо денес е сопственик на шпански Реал Ваљадолид, а во разговор за шпанските медиуми зборуваше и за најавениот трансфер на Мбапе во Реал Мадрид.
Вчера германски „Билд“ објави дека се е завршено околу трансферот на Мбапе Реал и дека Французинот ќе заработува 50 милиони евра годишно.
„Мбапе е фантастичен, има неверојатна брзина и одлична завршница. Очекувам во еден момент сигурно да биде најдобар во светот. Прочитав дека оди во Реал и ќе заработува 50 милиони евра годишно. Ние игравме во погрешна генерација. Фудбалската индустрија пребрзо расте“, заклучи Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
