Мохамед Салах е една од најголемите фудбалски ѕвезди на Островот и секако најголемото спортско име што го искажа својот став во врска со новиот конфликт меѓу израелската армија и палестинските милитанти.
Египетскиот фудбалер на својот профил на Твитер даде изјава каква што не е честа и типична во светот на фудбалот, па дури и го повика британскиот премиер Борис Џонсон.
“Ги повикувам сите светски лидери, вклучително и премиерот на земјата што е мојот дом во последните четири години, да направат се што е во нивна моќ за да се запре насилството веднаш и да се спречат натамошни невини жртви. Доста е со насилство”, напиша Салах, обезбедувајќи скоро 250.000. лајкови како поддршка.
Да потсетиме, нова воена ескалација меѓу Хамас и Израел се случи вчера откако исламистичкото движење Хамас ја нападна израелската метропола Тел Авив со „дожд“ од ракети, а израелската армија возврати со воздушни напади на Појасот Газа. Тројца Израелци биле убиени во ракетните напади, јавуваат израелските медиуми, меѓу кои и една жена во предградието на Тел Авив, Ришон Лезион. Уште осуммина Израелци беа повредени.
I’m calling on all the world leaders including on the Prime Minister of the country that has been my home for the past 4 years to do everything in their power to make sure the violence and killing of innocent people stops immediately. Enough is enough. @BorisJohnson
— Mohamed Salah (@MoSalah) May 11, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА