Докторот на данската репрезентација, Мартин Боесен се огласи откако Кристијан Ериксен се сруши на теренот на пријателскиот натпревар меѓу Данска и Украина во Одензе.
„Од моја гледна точка, мислам дека неговиот пејсмејкер го активирал шокот додека играл. Мислам дека го видов како се држи за градите и можеби дури и викна: „Ау“. А потоа се сруши. Тогаш отидов кај него. Сега неговиот пејсмејкер се анализира бидејќи може да покаже која е основната причина. Тој се освести доста брзо. Мислам дека уредот го направи она за што беше ставен – да го врати во живот“ – рече Боесен
На Ериксен му беше вграден пејсмејкер по неговиот прв срцев удар во 2021 година.
Претходно и од Данската фудбалска федерација потврдија дека Ериксен е во свесна состојба и сместен и згрижен во клиниката во Одензе.
Како што претходно објавивме, вистински шок и молк настана на теренот откако Кристијан Ериксен само падна на теренот. Најпрво се фати за градите и се сруши на теренот.
Медицинските екипи веднаш се упатија кон него, а откако беше изведен од теренот, судијата досуди крај на дуелот.
🔴 BREAKING: Christian Eriksen Collapses During the Match Against Ukraine!
The match has been suspended, and the pitch is no longer being shown on the broadcast. 🤯 pic.twitter.com/oT5VhKrOrF
— Pro_Football News (@Pro_Football1) June 7, 2026
По неговото внесување во амбулантното возило сите играчи, од двете репрезентации, го поздравуваа Ериксен и неговата сопруга на пат кон болницата.
Како што е познато, Ериксен веќе еднаш беше вратен во живот на фудбалските терени, кога доживеа срцев удар и се сруши на теренот на ЕВРО 2020, кое поради пандемијата се одигра во 2021 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
