Поранешната најдобра светска тенисерка, Американката Серена Вилијамс, два ипол месеци по породувањето, и официјално стана сопруга на Алексис Оханијан, еден од основачите на „Редит“. Свадбената церемонија се одржа во Њу Орлеанс, а покрај семејствата и роднините, присуствуваа и голем број ѕвезди од светот на спортот и шоубизнисот.
Венчавката беше тематска, во знакот на „Убавицата и ѕверот“, а покрај данската тенисерка Каролина Вознијацки, која пристигна со својот свршеник, НБА кошаркарот Дејвид Ли, на свеченоста се појавија и пејачките Бијонсе, Сијара и Кели Роуланд, актерките Ева Лонгорија и Меган Маркл, старлетата Ким Кардашијан и многу други познати личности.
Серена Вилијамс и Алексис Оханијан во септември станаа родители на Алексис Олимпија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
