Реал Мадрид добил понуда од 500 милиони евра за Винисиус. Ова е понуда која ќе дојде од Саудиска Арабија, од каде го посакуваат Бразилецот веќе подолго време. Бразилецот знае за интересот, и дека ќе добива далеку поголема плата од онаа која ја има во Реал Мадрид. Вини ќе добива 200 милиони евра годишно, или милијарда евра за пет години, да игра во оваа земја, но и да стане заштитник на кандидатурата на Саудиска Арабија за организација на Мундијалот во 2034 година.
Таа понуда и официјално не е испратена, но Саудијците веќе имале контакти со Реал Мадрид и им соопштиле која им е намерата. Пред две недели АС објави дека понудата ќе биде 400 милиони, а сега истата се зголемува за 100 милиони евра.
Ова го открива „Ел Чирингито“, кој е добро упатен во ситуацијата во Реал, и омилената програма на Флорентино Перез.
Претставниците на Винисиус наводно веќе го известиле клубот дека не се заинтерсирани за продолжување на договорот, со што Бразилецот веројатно ќе ја прифати понудата. Пред две недели се пишуваше дека фудбалерот одбил оваа сезона да се пресели во Арабија, но веројатно трансферот би се случил веќе следната година.
Со оваа понуда, Вини би заработувал дури 13 пати повеќе од Реал. Тоа значи дека фудбалерот би заработувал неверојатни 23.000 евра за минута, или 550 илјади евра дневно.
Договорот на Бразилецот со „кралевите“ е до 2029 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
