Манчестер сити и Арсенал одиграа тактички натпревар без голови во големата дерби пресметка на „Етихад“ во 30. коло од сезоната во Премиерлигата.
И покрај тоа што се најавуваше како натпревар на сезоната во Англија, меч кој воопшто не ги исполни очекувањата, веројатно и на самите два клуба и на пошироката фудбалска јавност.
Дуелот мина без многу возбудувања, а единствените поголеми шанси ги имаа Аке во првото полувреме кај домашните, и Халанд во 84. минута кога на само неколку метри пред голот на Арсенал пропушти една убава топка, можеби и за победа.
За квалитетот на мечот доволно зборува и статистиката која вели дека Сити имаше само еден шут во рамките на голот на противникот, а Арсенал само два. Како и да е, од сето тоа се чини најголем бенефит извлече Ливерпул кој сега е со два односно три бода предност на врвот од табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
