Селекторот на норвешката фудбалска репрезентација, Столе Солбакен, изјави дека тимот ќе му помогне на Ерлинг Халанд да одигра повеќе натпревари на Светското првенство за да постигне повеќе голови.
„Денеска тој пропушти отворена можност, а можеше да постигне дури четири гола. Мислам, тој е најдобриот напаѓач, не игра за Франција или Аргентина, туку постигнува за Норвешка. Сега има четири гола, по два на најголемата сцена“, рече Солбакен по натпреварот против Сенегал.
Норвешката репрезентација се квалификуваше за осминафиналето на Светското првенство откако го победи Сенегал со 3-2 во второто коло од групата И. Во таа победа, Халанд беше двоен стрелец.
„Полесно е да се освои Златната копачка кога играш за Франција или Аргентина, но ќе се обидеме да му дадеме на Ерлинг повеќе натпревари и поголема помош во наредните натпревари. Тој е во оган и многу сум среќен што може да постигнува голови на најголемата сцена“, рече Солбакен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
