Сенегал го пропушти осминафиналето на Светското првенство. Оваа селекција имаше водство од 2:0 против Белгија до 86-тата минута, но потоа противникот постигна два гола за три минути и го однесе натпреварот во продолжение, каде што потоа славеше триумф од 3:2.
Сенегалците останаа во неверица. Беа на чекор од голем успех, но сега мора да си одат дома.
По натпреварот, се појави уште еден проблем. Играчот од средниот ред на Виљареал, Папе Геје, објави дека нема да игра за репрезентацијата додека Папе Тијао е селектор.
27-годишникот не ги објасни причините. Тој напиша на Инстаграм дека повеќе нема да игра во националниот тим, сè додека е таму сегашниот тренерски штаб.
„За испаѓањето ќе зборувам подоцна. Засега, само ќе кажам дека, додека е тука сегашниот тренерски персонал, јас повеќе нема да играм за репрезентацијата“, кратко напиша Папе Геје кој на мечот со Белгија беше заменет во 66. минута.
Juste à sa réaction au moment où il est sorti j’ai compris que y’avait un truc chelou pic.twitter.com/EvEDi3CaTw https://t.co/hfSXJ6PPb3
— 𝙏𝙤𝙙𝙞𝙗𝙚𝙖𝙪 🇸🇳 (@La_Melooow) July 2, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
