Тадеј Погачар и Јонас Вингегор доживеале непријатно будење во раните утрински часови од страна на антидопинг агенцијата.
На Тур де Франс, ова е главната тема денес, откако претходно францускиот судија одобрил тестирање надвор од вообичаено дозволеното време од 06 до 23 часот.
Според извештаите, Вингегор бил разбуден во 2 часот наутро во неделата, а Погачар во 5 часот наутро, а тоа ги налутило и Погачар и Вингегор, но и Ремко Евенепул и Матео Жорженсон.
Правилата наведуваат дека Меѓународната велосипедска унија мора да има сериозни сомневања дека велосипедист е вмешан во нешто спротивно на правилата за да биде тестиран надвор од стандардното време за земање примероци.
Возач може да биде повикан на примерок во секое време и на кое било место, но непишаното правило е дека тоа треба да се направи меѓу 6 часот наутро и 23 часот.
Засега нема информации дали примерокот бил позитивен или негативен и ова е она што француската јавност со нетрпение го очекува.
„Меѓународната антидопинг агенција не ми дозволи да спијам. Спиев многу добро, а потоа некој затропа на вратата од мојата соба во 02 часот. Бев многу изненаден. Секако дека е добро што тестираат, но кога тоа влијае на вашиот сон и на трката следниот ден, не мислам дека е правилно. Тоа што бев разбуден толку рано не ми помогна во возењето. Дали тоа ја предизвика несреќата, не можам да кажам. Не сакам никого да обвинувам бидејќи ова е возење велосипед“, рече Вингегор.
Марк Реф, директор на тимот Висма, исто така беше бесен.
„Јонас и Тадеус беа извлечени од кревет среде ноќ додека сите други можеа да продолжат да спијат. Како можам да го видам тоа освен обид да се промени текот на трката? За мене, сè е прашање на времето на допинг контролата, тоа е многу необично, тоа е она што сите го истакнуваат во коментарите. Многу чудна ситуација, особено за Јонас. Целата негова година беше планирана да победи на Тур д’Франс. Мислам дека овој крај на трката е многу суров“, рече Риф.
Ремко Евенпул исто така рече дека верува оти не е дозволено да се тестира некого во тоа време, а зборуваше и Погачар.
„Не ме разбудија во 02 часот, туку во 05 часот. Секогаш си легнувам доцна, па за мене беше голем шок што имав само четири часа за спиење. Сепак, имав многу мирно и долго утро. Не можев повторно да заспијам, па слушав некои стари хитови на Еминем и направив кафе, со многу кофеин, подготвено за да го започнам денот. Да, сепак беше шок да ме разбудат слатки соништа“, рече лидерот во трката.
Патем, Гардијан објави дека оваа сезона на Тур д’Франс дури пет екипи биле тестирани доцна навечер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
