Шок во Јувентус: Дибала повторно е позитивен на Covid-19, четврти пат во шест недели

Аргентинскиот интернационалец Пауло Дибала повторно е позитивен на коронавирусот. Ова е шок за сите во италијанскиот првак Јувентус. Тој ќе мора да остане во задолжителен карантин нови 14 дена, а ова е четврти тест на кој Аргентинецот има позитивни резултати за присуство на вирусот Covid-19. Со него повторно позитивна е и девојката Ориана Сабатини.

Првпат тие имаа позитивен тест на 21.март и го надмина вирусот, истакнувајќи дека во одреден период од изолацијата имал и сериозни проблеми со дишењето, како и се чувствувал многу слаб кога се обидел да тренира.

„Имав изразени симптоми, зголемена телесна температура, проблеми со дишењето, телото ми беше многу слабо. Но, го надминавме тоа со Ориана и оттогаш се чувствуваме супер“, вели Пауло Дибала.

Сепак, редовно се тестира, а веќе четврти пат тестот покажува дека вирусот се уште е присутен во неговото тело. Ова секако е голем шок за Јувентус. Најавите од Италија се дека клубовите ќе можат да почнат со индивидуални тренинзи од 4.мај, а групните тренинзи би биле дозволени две седмици потоа. Дибала сега повторно мора во задолжителен карантин.

Покрај Пауло Дибала, коронавирусот во тимот на Јувентус го прележаа и Даниеле Ругани и Блес Матуиди.

Се вчитува...