Словенија ќе биде значително ослабена на претстојното Европско Првенство откако на вториот тренинг во новата 2018 година сериозна повреда заработи Матеј Габер.
Станува збор за играч кој е еден од клучните во одбраната на словенечкиот состав, а кој од позицијата пивот знае да биде многу опасен и во фазата на нападот. Тој не го завршил денешниот тренинг, а лекарските прегледи покажале скршеница на коска во стопалото, што значи и подолга пауза од терените.
Ова е огромен проблем за селекторот Вујовиќ, кој се уште не знае дали ќе може да смета на Доленец и на Хенигман, двајцата бекови кои работат изолирано под специјална програма со надеж дека би можеле да се рехабилитираат до стартот на Европското Првенство. Само за потсетување, Словенија е нашиот прв ривал на овој шампионат, меч што ќе се игра на 13 јануари во „Арена“ во Загреб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
