Македонскиот репрезентативец Џејкоб Вајли и неговиот Реал Бетис не успеаја да го искористат уморот на Реал Мадрид и да стигнат до сензација во 30. коло од шпанското првенство откако беа поразени во неизвесна завршница со 69-71.
Бетис благодарение на речиси перфектната втора четвртина која ја заврши со 20-9 имаше комотна предност која ја одржуваше и во поголемиот дел од третата четвртина, а откако Реал Мадрид успеа да го наметне своето темпо и да стигне до +11 (45-56) во последните десет минути следеше голем камбек на гостите за изедначување во самиот финиш.
„Зелено-белите“ имаа и шанса за победа на седум секунди пред крајот, но обидот на Браун при резултат 69-70 беше блокиран од страна на Таварс за 21. победа на Реал Мадрид.
⛔️ ¡Tapón clave de @waltertavares22 en el triunfo del @RMBaloncesto!
📺 @MovistarPlus #LigaEndesa#ListosParaRomperla pic.twitter.com/bFJvaSeNHn
— Liga Endesa (@ACBCOM) April 24, 2022
Џејкоб Вајли мечот го заврши со 10 поени и реализација 5/8 од поле, а додаде и 3 скока и една асистенција.
За Реал Бетис продолжува битката за опстанок во „елитата“ на шпанската кошарка со скор од 9 победи и 21 пораз со што тимот се наоѓа на делба на местата кои водат во Втората лига следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
