Екипата на ТФТ дојде до третата победа во кошаркарската прва лига, откако на гостински терен го совлада Чаир 2030 со 82-64. Тимот на Чаир, пак, го запиша и третипт пораз во сезоната од досегашните три натпревари.
Чаирчани добро се носеа во првата четвртина, во која заминаа само со три поени негатива. Меѓутоа клучната разлика ТФТ ја направи во вториот период, кој го доби со девет поени разлика, и така на полувреме замина со +12. Во вториот дел гостите продолжија со исто темпо, за на крај да дојдат до убедлив триумф.
Стенли и Гордон со 24, односно со 21 поен беа најефикасни. Кај Чаир Билингсли имаше дабл-дабл учинок со 13 поени и 13 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
