Хрватска и Франција ќе се сретнат в недела на стадионот „Лужњики“ во Москва во големото финале на Светското првенство во Русија. Французите беа подобри од Белгија и славеа со 1-0, додека синоќа Хрватите по продолженија ја совладаа Англија со 2-1. Токму хрватските репрезентативци, Иван Перишиќ и Марсело Брозовиќ, продолжија една прекрасна традиција на италијанскиот калчолигаш Интер. Имено, од СП 1982, па вклучувајќи го и овој Мундијал, во финалето учествувал барем еден фудбалер на Интер.
Во 1982 година, во финалето играа Италија и Германија, а „нероаѕури“ беа Алобели, Бергоми, Оријали, Коловати, Бордон, Марини и Милер.
Четири години подоцна, во финалето меѓу Германија и Аргентина, тимот на Интер беше претставен од Карл Хајнц Румениге.
Во 1990 година, Матеус, Бреме и Клинсман беа дел од селекцијата на Германија, која во финалето играше против Аргентина.
Во 1994 година финалисти беа Бразил и Италија, а во селекцијата на Италијанците беа вклучени и Берти и Паљука.
Џоркаеф како репрезентативец на Франција и Роналдо како дел од Бразил, го претставуваа Интер на финалето на Мундијалот во 1998 година.
Четири години подоцна, Бразилецот Роналдо го играше финалето против Германија, а во 2006 година, Матераци со Италија ги одмери силите против Франција.
Во 2010 година, Снајдер беше членот на Интер кој играше во финалето во кое се сретнаа Холандија и Шпанија.
Прд четири години, финалисти беа Германија и Аргентина, а учесници беа и Паласио, Алварез и Кампањаро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
