ЦЕли 25 години минаа од СП 1998 во Франција, на кое домашната селекција стигна до првата светска круна во својата историја, но уште поинтересен е фактот дека четврт век подоцна се уште има фудбалери кои активно се занимаваат со овој спорт. Поточно, тројца играчи кои биле дел од СП 1998 се уште се активни фудбалери, и тоа Џанлуиџи Буфон, Шинџи Оно и Терујоши Ито.
Буфон дефинитивно е најпознато име од тројцата, италијанскиот ветеран има 45 години и се уште е под договор со Парма, а лани за маку ќе му помогнеше на тимот да се врати во Серија А. Легендарниот голман летово најавуваше дека размислува и за пензија, но тој има уште една година од договорот со Парма и речиси сигурно ќе продолжи да брани до 2024 година.
Јапонецот Шинци Оно настапи на 18 минути за „самураите“ на СП 1998. Денеска има 43 години и настапува за прволигашот Хокаидо Сапоро. Поголемиот дел од кариерата ја мина во Јапонија, додека во Европа настапуваше за Феенорд и една година ги бранеше боите на Бохум.
Ито е вториот Јапонец на овој список, тој сега има 48 години, но се уште активно настапува во татковината, како дел од третолигашот Азул Кларо Нумаз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
