Стратос Перпероглу е најновото големо засилување за Црвена звезда откако вицешампионот на АБА-лигата денеска потпиша едногодишен договор со грчкиот интернационалец. Крилниот кошаркар е трикратен освојувач на Евролигата, а во Белград доаѓа на инсистирање на тренерот Милан Томиќ, со кого две години соработуваше во Олимпијакос.
Перпероглу пристигнува од редовите на израелскиот прволигаш Хапоел, а претходно овој кошаркар настапуваше за Паниониос, Олимпијакос, Анадолу Ефес и за Барселона.
Црвена звезда досега ги доведе центрите Мајкл Оџо, Мајк Цирбес и Душан Ристиќ, како и бекот Били Берон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
