Црвена Звезда ќе гради нов стадион, вреден 200 милиони евра

Црвена Звезда ќе гради нов стадион во Белград со капацитет од 42.000 седишта, информираше генералниот директор на белграѓани, Звездан Терзиќ.

„Веќе е подготвена документацијата за изградба на новиот стадион. Изградбата ќе стартува во 2021 година, планиран е капацитет од 42.000 седишта а ќе чини 200 милиони евра. Секако околу изградбата на стадионот е вклучена и државата“ – информира Терзиќ.

Локацијата и на новиот стадион ќе биде на истото место на кое сега е „Рајко Митиќ“.

Терзиќ потсетува дека Црвена Звезда финансиски моќно напредувала изминативе години, па од клуб со огромни долгови сега е во ситуација да размислува за свој нов стадион.

Се вчитува...