Црвена Звезда без конкуренција е најактивниот клуб на кошаркарската берза во овој период, откако „црвено-белите“ за помалку од десетина дена потпишаа девет нови засилувања за наредната сезона.
Последен во низата е бразилскиот репрезентативец Јаго Дос Сантос, кој денеска потпиша тригодишен договор со белградските црвено-бели. Станува збор за играч кој доаѓа од редовите на Улм, тим што сензационално стигна до титулата во Бундес-лигата, а токму Јаго беше избран за МВП на финалната серија.
Тој е деветто засилување на „црвено-белите“ летово, по ангажманите на Давидовац, Симоновиќ, Теодосиќ, Ханга, Тоби, Боломбој, Гидраитис и Нејпир.
Црвена Звезда постигна договор за нова тригодишна соработка со Стефан Лазаревиќ, кој и во иднина ќе продолжи да го носи дресот на „црвено-белите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
