Селекторот на Англија, Томас Тухел, изјави дека Кол Палмер пропушта премногу собири на репрезентацијата и оцени дека новото повлекување на фудбалерот на Челси поради повреда претставува уште една изгубена можност тој да се наметне во националниот тим.
Палмер го напушти репрезентативниот камп откако пријави болка и непријатност, што, според Тухел, го оневозможило да игра на највисоко ниво.
„Според моите сознанија, тој игра со болка и непријатност и во таква состојба не може да се натпреварува на највисоко ниво. Токму затоа се повлече и не извести нас, како и Челси. Така јас ја разбирам ситуацијата. Ние не го контролираме неговиот обем на работа“, изјави Тухел.
Палмер имаше одличен почеток на сезоната и постигна четири гола на седум натпревари за Челси, но германскиот стручњак смета дека неговите чести отсуства од националниот тим претставуваат сериозен проблем во борбата за место во составот.
„Тоа е уште една пропуштена можност. Тој пропушта премногу шанси. Не го обвинувам за тоа, тоа е едноставно факт. Пропушта премногу собири поради повреди“, истакна селекторот на Англија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
