Македонскиот репрезентативец Елиф Елмас донесе мир во редовите на Фенербахче токму пред настапите на тимот во Лигата на Европа.
По очајните резултати на стартот од сезоната, Фенербахче дојде до гостински триумф од 0-1 против Коњаспор токму благодарение на Елмас кој погоди во 67.минута, само шест минути откако влезе во игра.
VIDEO | Eljif Elmas’ın golü: pic.twitter.com/rqIZw3sxN6 #fenerinmaçıvar
— #FenerinMaçıVar (@fenerinmacivar) September 16, 2018
Потенцирајќи го значењето на Елмас за играта на Фенер, турските медиуми нагласуваат дека токму македонскиот фудбалер со донесената победа, на некој начин, го чува столчето на шефот на стручниот штаб Филип Коку.
„По слабите резултати, некако во воздух се појави и прашањето колку вака може Филип Коку да издржи на клупата на Фенербахче? Прашање ќе беше дали ќе остане на тренерската позиција доколку Фенер загубеше и против Коњаспор. Но, 18-годишниот Елиф Елмас е тој кој го чува столчето на холандскиот стратег“ – пишуваат дел од турските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
