Вирџил ван Дајк наскоро ќе почне со долгата рехабилитациска програма откако дефанзивецот на Ливерпул денеска беше успешно опериран по тешката повреда на коленото заработена на дербито со Евертон пред неколку седмици.
„Вирџил ван Дајк беше опериран по повредата на лигаментите со која се здоби минатиот месец. Планираната операција беше извршена во Лондон и спроведена максимално успешно. Ван Дајк сега целосно ќе се фокусира на почетокот на рехабилитациската програма со помош на нашиот медицински тим“, објави Ливерпул на официјалната веб-страница.
Прогнозите велат дека Ван Дајк нема да може да се врати до крајот на сезонава во тимот на Ливерпул, а минимални се шансите тој да се појави во составот на холандската репрезентација на ЕВРО 2021.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
