Ракометарите на Бутел стигнаа до деветата победа сезонава во Суперлигата, откако во премиерниот меч од 12. коло на домашен терен беа подобри од Вардар Јуниор со 28-20.
Вториот тим на Вардар имаше сила само за едно полувреме во кое беше егал, со далеку поискусниот тим. Младите Вардарци одлично го отворија натпреварот и по првите седум минути имаа преднос од плус четири 1-5. Сепак избраниците на Грчевски успеаја да ги консолидираат редовите и до крајот на првиот дел да стигнат и до минимално водство од 13-12.
Вториот дел Бутелчани го стартуваа фуриозно и со серија од 8-2 стигнаа до дотогаш највисоките плус седум 21-14. Следуваше одлична игра и во продолжението на вториот дел на домаќините,кои на осум минути до крајот на мечот стигнаа и до највисоките плус десет (26-16). До крајот рутински го приведоа мечот за конечен триумф од 28-20.
Марко Божиновски со 12 гола беше прво име во победничкиот табор, додека кај гостите Крстивски и Дука дадоа по четири гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
