Вашингтон го виде „незапирливиот Леброн“

Леброн Џејмс покажа зошто важи за најдобар кошаркар на денешницата откако со извонредна партија го предводеше Кливленд до триумф на гостувањето против Вашингтон. Актуелните вицешампиони славеа со 122-130 на гостувањето против незгодниот ривал, прекинувајќи ја сопствената „црна серија“ од четири порази благодарение на Џејмс и неговите 57 поени, втор најефикасен натпревар на „кралот“ во неговата фантастична кариера. Покрај поените, Џејмс имаше и 11 скокови и седум асистенции, а од соиграчите најголема помош доби од Дерик Роуз (20 поени) и од Џо Краудер (27 поени).

Кајри Ирвинг беше во главна улога во фантастичниот пресврт и победата што Бостон селтикс ја забележа на гостувањето против Оклахома сити. Селтикси имаа негатива од огромни 18 поени, но предводени од Ирвинг успеаја да се вратат и на крајот да слават со конечни 94-101, за својот седми триумф на деветтиот натпревар сезонава. Ирвинг со 25 и Хорфорд со 20 поени беа најзаслужни за победата, додека кај Оклахома најефикасен беше Пол Џорџ со 25 поени, додека Вестбрук постигна 19 поени и 11 асистенции.

Резултати НБА:

Детроит – Милвоки 105-96, Орландо – Чикаго 83-105, Филаделфија – Индијана 121-110, Вашингтон – Кливленд 122-130, Атланта – Хјустон 104-119, Њујорк – Феникс 120-107, Далас – Њу Орлеанс 94-99, Сан Антонио – Шарлот 108-101, Денвер – Мајами 95-94, Јута – Торонто 100-109, Оклахома сити – Бостон 94-101, ЛА лејкерс – Бруклин 124-112.

Се вчитува...