Доријан Бабунски потврдува уште еднаш дека игра во извонредна гол-форма во финишот на јапонската Втора лига.
Во претпоследното коло од шампионатот, Мачида славеше со 0-2 на гостувањето против Ехиме запишувајќи повеќе од значајна победа во битката за промоцијата во Првата јапонска лига.
Вообичаено за него оваа сезона, Дорија Бабунски во игра влезе во 80. минута при 0-0. Па донесе и тоа како освежување во офанзивата на Мачида. Најпрво гостите поведоа со голот на Накашима во 86. минута, а потоа на сцена стапи Доријан кој со брилијантен шут од околу 30 метри во 90. минута донесе конечни 0-2.
残留争いをしてるチームにさらなる希望と勇気を、
そして何より町田サポーターの優勝の夢を繋げるバブンスキーのスーパーゴール!!#町田ゼルビア pic.twitter.com/haYpHFB5t9— kopdole (@kopdole) November 11, 2018
Ова е петти гол сезонава за Доријан Бабунски во дресот на Мачида, која во последното коло пред своите навивачи ќе се бори за прволигашка промоција. Мачида на едно коло до крајот е на делба на втората позиција со 75 бода. Првопласирани две екипи обезбедуваат директен пласман во Првата лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА