Преполната „Американ аирлајнс арена“ во Мајами синоќа исполнета до последно место приреди величенствен дочек за својот херој Двејн Вејд кој пред само неколку дена беше „трејдован“ од Кливленд.
Икусниот Вејд во игра влезе на половина од првата четвртина, а неговото враќање „дома“ беше испратено со овации, токму како и неговите први поени во старо-новиот дрес.
Now checking in for the Miami Heat, Dwyane Wade. pic.twitter.com/rbSsIXPmRz
— SportsCenter (@SportsCenter) February 10, 2018
Сепак, Вејд не пружи којзнае каква партија, запишувајќи само три поени, дополнети и со два скока и две асистенции во триумфот на Мајами над Милвоки од 91-85.
Двејн Вејд кој од 2003 година беше во Мајами, и со оваа екипа дојде до три наслови во НБА лигата, си замина од Мајами во 2016 година во Чикаго, екипата од родниот град, за да минатово лето се пресели кај Леброн во Кливленд. Но, епизодата во Кливленд не траеше долго, па сега повторно е „дома“!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА