Селекторот на Еквадор, Себастијан Бекасесе вчерашниот триумф на неговата селекција над Германија и пласманот во нокаут фазата на Светското првенство 2026, сосема очекувано го прослави на еуфоричен начин.
Бекасесе славеше со трк кон трибините каде прослави со свои блиски лица. По мечот селекторот на Еквадор се осврна токму на тој момент…
„Луѓето ме видоа како трчам на трибините и ја бакнувам таа дама, а многумина се прашуваа која е таа. Таа е моја сопруга. Таа беше покрај мене низ секој подем и секој пад во мојата кариера. Таа жртвуваше толку многу за мене и нашето семејство, па во тој емотивен момент, таа беше првата личност со која сакав да прославам“ – рече Бекасесе и дополни:
„Оваа победа не беше само за играчите или тренерите – туку за секој Еквадорец кој веруваше во нас. Победата над Германија на најголемата фудбалска сцена е нешто што нашата земја ќе го памети засекогаш. Емоциите преовладаа. Не ја планирав таа прослава. Едноставно го следев моето срце. Тоа секогаш ми велеше да продолжам да верувам, дури и кога луѓето се сомневаа во нас. Вечерва сакав да и се заблагодарам на мојата сопруга пред целиот свет. Ова е посебна ноќ за Еквадор и горд сум што можев да го споделам тој незаборавен момент со личноста која ме поддржуваше во секој чекор од патот.“
🥹🇪🇨 Ecuador coach Sebastián Beccacece sprinted into the stands to celebrate with his family after Gonzalo Plata’s winning goal against Germany.
Pure emotion🥹 Football means everything❤ pic.twitter.com/p6UMTYBVI9
— Elite Football⚪️ (@Elitefootball__) June 26, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
