Поништениот гол на Хрватска на крајот од натпреварот против Португалија е сè уште главна тема меѓу навивачите и фудбалските аналитичари, а во центарот на дискусијата е технологијата вградена во самата топка.
Според информациите што циркулираат по натпреварот, сензорот во топката го регистрирал контактот на Игор Матановиќ со топката, поради што бил активиран офсајдот и поништен голот на Јошко Гвардиола за 2-2 во 103. минута.
Сепак, снимките што се појавија на социјалните мрежи во меѓувреме предизвикаа бројни контроверзии. Многумина тврдат дека Матановиќ воопшто не ја допрел топката, туку дека таа го погодила само португалскиот фудбалер пред да стигне до Марио Пашалиќ, кој потоа му асистираше на Гвардиола за голот.
Во центарот на топката има мал инерцијален сензор кој го регистрира секој контакт со топката дури 500 пати во секунда. Податоците се испраќаат во реално време во ВАР собата, каде што се користат заедно со полуавтоматскиот систем за офсајд при донесување одлуки.
Токму поради ова, можно е да се регистрира дури и екстремно мек допир што телевизиските камери или снимките со забавено движење не можат јасно да го покажат. Од друга страна, ако немало контакт, останува отворено прашањето врз основа на што е донесена одлуката за офсајд?
🇭🇷⚽ KRAĐA U 103′ PROTIV PORTUGALA! Gvardiol zabio čisti gol za produžetke, a VAR izmislio zaleđe! Snimka jasno dokazuje: hrvatski igrač NIJE dirao loptu, ona dolazi od Portugalca! Besramna pljačka pred očima svijeta!
🔹Pogledajte snimku i dijelite dalje!#HrvatskiKanal pic.twitter.com/4VwRJzDylX
— Hrvatski Kanal (@Hrvatski_Kanal) July 3, 2026
По сите прозивки во јавноста мораше да се огласи и ФИФА официјално откривајќи дека сензорот реагира на тотално мек допир. Па, кога топката го поминала Матановиќ, сензорот реагирал на благ допир, верувале или не, со косата, па во буквален превод „Португалија се извлече за влакно“.
According to the data provided by Connected Ball Technology housed within the @adidasfootball Trionda, the official match ball of the @FIFAWorldCup, it was proven that contact was made by Croatia’s #20 Igor Matanović in the build up to the goal against Portugal, allowing the… pic.twitter.com/AyBz11N3wV
— FIFA Media (@fifamedia) July 3, 2026
Од ФИФА тврдат дека технологијата е непогрешлива и дека регистрирала допир што не е видлив на видеото, но мислењето на неутралната светска фудбалска јавнст е дека Хрватска била оштетена за голот што ќе донесеше израмнување и продолженија против Португалија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
