Новиот селектор на фудбалската репрезентација на Франција, Зинедин Зидан, денеска го објави списокот на фудбалери на кои ќе смета за претстојните натпревари во Лигата на нации.
Зидан кој дојде на местото на Дидие Дешан кој дури 12 години седеше на клупата на Триколорите, на фановите им приреди неколку изненадувања.
Најголемите изненадувања се повиците во националниот тим на играчот на Комо, Лукас да Куња и на напаѓачот на Рен, Естебан Лепол. Новиот селектор истакна дека сака да го види нивниот квалитет на репрезентативно ниво.
Дебитанти во тимот се уште и голманот Гијом Ресте како и дефанзивците Жереми Жаке и Анди Диуф.
Зидан одлучи да го изостави Н’Голо Канте од спортски причини, а Орелиен Чуамени не е повикан бидејќи е повреден. Капитен на Франција под водство на Зидан ќе биде Килијан Мбапе.
Франција во Лигата на нации ќе одигра четири натпревари, двапати ќе игра против Белгија и по еднаш против Турција и Италија.
La première liste de Zinédine Zidane comme sélectionneur de l’équipe de France
➡️ https://t.co/dvfOpm3eV4 pic.twitter.com/J7BFRAXMyB
— L’Équipe (@lequipe) September 18, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
