Довчерашниот тренер на Шкупи, Зекирија Рамадани, повторно ќе работи на Косово. Тој се враќа на клупата на косовскиот клуб Фероникели, каде што работеше и пред да седне на клупата на Шкупи. По слабиот старт на сезоната во македонскиот шампионат, Рамадани се повлече, а на негово место во тимот од Чаир дојде турскиот стратег Хајати Сојдаш.
Но, Зекирија Рамадани брзо доби понуда од раководството на Фероникели и ја обнови соработката со овој клуб.
„Имав одлична соработка со раководството на Фероникели и претходно, и затоа не ни разгледував други понуди кога тие ме побараа повторно да бидам тренер на тимот. Верувам дека ќе имаме многу успеси“, изјави Рамадани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА