Зенит ремизираше без голови на гостувањето против Динамо Москва во 9. коло од рускиот шампионат, на дуелот кој беше последен тест за составот на Роберто Манчини пред доаѓањето во Скопје и дуелот со Вардар на стартот од групната фаза во Лигата на Европа.
Тимот од Санкт Петербург имаше неколку можности да дојде и до триумф на дуелот но не успеаја да реализираат Дриуси и Мамана. Во финишот Динамо Москва имаше две извонредни шанси да казни, но Лунев убаво интервенираше.
Во девет натпревари, Зенит и натаму е единствена екипа во Русија без пораз со шест победи и три ремија, на врвот од табелата со 21 бод. Пред Локомотива Москва и ЦСКА Москва кои се со 19, односно 16 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
