Зинедин Зидан изрази задоволство од покажаниот карактер и играта на својот тим, но исто така и ги предупреди фудбалерите на Реал Мадрид дека им претстојат уште тешки 90 минути во Неапол за да го обезбедат пласманот во четвртфиналето од Лигата на шампионите.
„Тоа е фудбалот, ние тргнавме максимално отворено од првата минута, игравме интензивно, а тие го постигнаа првиот гол. Задоволен сум бидејќи игравме на вистинскиот начин, се вративме во средбата и заслужено победивме. Победата од 3-1 е реална, но не е доволна за четвртфинале, затоа ќе мора да одиграме најдобро што знаеме и на реваншот во Неапол“ – изјави Зидан.
Серхио Рамос жалејќи се на повреда беше повлечен од игра на 20 минути до крајот, но тренерот на Реал смета дека тоа не е премногу сериозен проблем.
„Тој имаше болки од почетокот, но стисна заби и одигра одлично. Повеќе го повлеков бидејќи веќе имаше жолт картон“ – објасни Зинедин Зидан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
