Поранешниот премиерлигашки судија, Марк Клатенбург од Саудиска Арабија се сели во Кина. Тој го комплетираше двегодишниот мандат како директор на судиската организација кај Саудијците и сега ја прифатил понудата од Кина каде што ќе биде еден од петте професионални судии во најсилната лига во земјата заедно со Србинот Милорад Мажиќ.
Клатенбург судеше во Премиер-лигата 13 години, ФИФА судија стана на само 30 години, а пикот на кариерата го имаше во 2016 кога во само три месеци ја делеше правдата на финалињата на ФА купот, Лигата на шампионите и на финалето од Европското првенство.
Мажиќ и Клатенбург добиле исклучително примамливи понуди кои според дел од медиумите не би ги одбиле ниту фудбалерите. Сезоната во Кина почнува на 1.март.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
