Капитенот на Манчестер Јунајтед, Хари Мегваер го изгуби своето место во почетниот состав во англискиот премиерлигаш, но се очекува денеска да се најде меѓу почетните единаесетмина на дуелот помеѓу Италија и Англија, пренесуваат англиските медиуми.
Селекторот Герет Саутгејт му верува на стоперот кој досега одигра 47 натпревари за „Гордиот Албион“ и се додека тој ја предводи репрезентацијата за него ќе има слободно место.
Хари Мегваер со преминот од Лестер во Манчестер Јунајтед стана најспакиот стопер во историјата на фудбалот, a во последно време е мета на критичарите по катастрофалните настапи во дресот на „црвените ѓаволи“. Со него на теренот Јунајтед загуби три натпревари (Брајтон, Брентфорд и Реал Сосиедад), а славеше во пет средби кој тој беше на клупата или пак доби минимана шанса на теренот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА