Селта прв полуфиналист во ЛЕ, продолженија во Манчестер, Истанбул и во Гелзенкирхен - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/05/2017 16:51
Ракомет
25/05/2017 21:10
Коментари
25/05/2017 18:53
Фудбал
25/05/2017 14:47

Селта прв полуфиналист во ЛЕ, продолженија во Манчестер, Истанбул и во Гелзенкирхен

Селта прв полуфиналист во ЛЕ, продолженија во Манчестер, Истанбул и во Гелзенкирхен

Историски пласман во полуфиналето обезбеди Селта, откако шпанскиот клуб ја одбрани предноста од 3-2 од првиот натпревар против Генк. Реваншот во Белгија заврши 1-1, први поведоа фудбалерите на Селта преку Систо во 63. минута, а домаќините израмнија четири минути подоцна преку Тросард.


Genk 1-1 Celta Vigo – All Goals – 20.04.2017 ᴴᴰ by YNWAHD

Интересно, останатите три четвртфинални пресметки ќе бидат решени преку продолженија, откако Манчестер јунајтед и Андерлехт одиграа 1-1 по 90 минути на „Олд трафорд“. Мхитаријан го постина водечкиот гол за „ѓаволите“, веднаш потоа следеа уште неколку шанси за домаќините, кои останаа неикористени, па потоа Хани израмни во 32. минута. Јунајтед има за што да жали бидејќи Ибрахимовиќ и Рашдорф промашија по две стопроцентни шанси, по што мечот ќе мора да се реши преку дополнителни 30 минути игра, а можеби и преку пенал-рулет.

Дополнителни 30 минути ќе се играат и во Гелзенкирхен, откако Шалке поведе со 2-0 против Ајакс, анулирајќи ја предноста на холандскиот клуб од првиот натпревар. Горецка и Бургсталер ги постигнаа головите за бундеслигашот, а Ајакс ќе биде со играч помалку во продолженијата откако во 80. минута црвен картон заработи Велтман.

Интересно ќе биде и во продолженијата во Истанбул, откако Бешикташ славеше со 2-1 над Лион, идентичен резултат како и првиот натпревар во Франција. Талиска со два гола беше херојот на „ѓаволите“ во регуларните 90 минути, додека единствениот погодок за Лион беше дело на Лаказет.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.